साबिक विजेता सलहेश फाइनलमा

ताप्लेजुङ। साबिक विजेता सलहेश युवा क्लब चौथो ताप्लेजुङ गोल्डकपको फाइनलमा प्रवेश गरेको छ।

मंगलबार सम्पन्न पहिलो सेमिफाइनलमा भारतको जर्जियन युनाइटेड फुटबल क्लबलाई २–१ ले पराजित गर्दै सलहेश उपाधिनजिक पुगेको हो।

सलहेशको जितमा निशकुमार श्रेष्ठ र फागुराम थारूले गोल गरे। सलहेशले सातदोबाटो एफसीलाई ट्राइब्रेकरमा ४-३ गोलले पराजित गर्दै अन्तिम चारमा स्थान बनाएको थियो। यता‚ जर्जियन युनाइटेडले ताप्लेजुङ–११ लाई २–१ ले पराजित गर्दै सलहेशसँगको भेट पक्का गरेको थियो।

बुधबार दोस्रो सेमिफाइनलमा फिदिम स्पोर्टिङ क्लब र झापा–११ भिड्ने छन्।