काठमाडौं । नेपाल बुदोकैदो फुलकन्ट्याक्ट संघको आयोजनामा १७ औ राष्ट्रिय बुदोकैदो फुल कन्ट्याक्ट तौलसमूह प्रतियोगिता शुक्रबारदेखि हुने भएको छ ।
प्रतियोगिता मकवानपुरको बकैया गाउँपालिका वडा नम्बर ३ स्थित हात्तिसुडेमा सञ्चालन हुने भएको हो ।
प्रतियोगितामा सातवटै प्रदेशका करिब ३ सय ६० खेलाडीको सहभागिता रहने आयोजक संघ शाखा अध्यक्ष गणेश लामाले जानकारी दिएका छन् ।
पुरुषमा १० र महिलामा २ गरी १२ स्पर्धामा प्रतिस्पर्धा हुनेछ ।
बकैया ३, हात्तिसुडेमा हुने दुईदिने प्रतियोगिता सञ्चालन गर्न करिब १५ लाख ६५ हजार रुपैयाँ खर्च हुने शाखा अध्यक्ष लामाले जानकारी गराए ।
