फाइनलमा मेदवेदेवले जोकोभिचसँग भिड्ने

काठमाडौं । यूएस ओपन टेनिसको फाइनलमा डेनियल मेदवेदेव र नोभाक जोकोभिच भिड्ने भएका छन् । 

मेदवेदेवले विश्व नम्बर एक स्पेनिस खेलाडी कार्लोस अल्कराजलाई हराउँदै फाइनलमा जोकोभिचसँगको भिडन्त पक्का गरे ।

मेदवेदेवले स्पेनिस विश्व नम्बर एक अल्कराजमाथि ७–६ (७–३), ६–१, ३–६ र ६–३ को सेटमा जित निकाले । 

जोकोभिचले युवा अमेरिकी बेन सेल्टनलाई हराएर कीर्तिमानी २४ औं ग्रान्सस्लाम उपाधिको नजिक पुगे । 

३६ वर्षका सर्वियन खेलाडीले ६–३, ६–२, ७–६ (७–४) को सेटमा अमेरिकी खेलाडी बेन सेल्टनलाई पराजित गरे ।

जोकोभिच पछिल्लो पटक सन् २०२१ मा मेदवेदेभसँग युएस ओपनमा पराजित बनेका थिए । गत वर्ष कोभिडको भ्याक्सिनको कारण जोकोभिच अमेरिका छिर्न पाएका थिएनन् ।

जोकोभिच दशौं पटक यूएस ओपनको फाइनल पुगेका हुन् । उनी ५ वर्षको प्रतिक्षापछि ग्रान्डस्लाम उपाधिको नजिक छन् ।