काठमाडौं । अन्तर सेवा प्रदायक फुटसल प्रतियोगिता २०७९ को उपाधि वर्ल्ड लिङ्क कम्युनिकेशनले जितेको छ । शुक्रबार भएको फाइनल खेलमा एनसेललाई ३–२ गोल अन्तरले पराजित गर्दै वर्ल्ड लिङ्कले उपाधि हात पारेको हो ।
नेपाल दुरसञ्चार प्राधिकरणको रजत जयन्तीको अवसरमा आयोजित प्रतियोगितामा उपाधिसँगै वर्ल्डलिङ्कले एक लाख रुपैयाँ प्राप्त गर्यो । उपविजेता एनसेलले ६० हजार रुपैयाँमा चित्त बुझायो ।
प्रतियोगितामा तेस्रो डिस मिडिया नेटवर्क बन्यो । उनले मर्केनटायल कम्युनिकेशनलाई २३–४ गोल अन्तरले पराजित गर्यो ।
नेपाल दुरसञ्चार प्राधिकरणको आयोजनामा सञ्चालित प्रतियोगिता माघ २९ गतेबाट सुरु भएको थियो ।
प्रतियोगितामा वर्ल्ड लिङ्क कम्युनिकेशन, नेपाल टेलिकम, डिस मिडिया नेटवर्क, स्मार्ट टेलिकम, सुबेसु केबलनेट लिमिटेड, भायनेट कम्युनिकेशन, सिजी कम्युनिकेशन, मर्केनटायल कम्युनिकेशन, एनसेल र बोर्डलिङ्क नेटवर्क गरि १० टिम सहभागी थिए ।
