काठमाडौं । विभागीय टोली नेपाल एपीएफ क्लब तेस्रो टाईगर कप अन्तराष्ट्रिय महिला तथा पुरुष भलिबल प्रतियोगिताको पुरुषतर्फ फाइनलमा प्रवेश गरेको छ ।
पोखरा रंगशालाको कभर्ड हलमा शुक्रबार भएको पहिलो सेमिफाइनलमा अर्को विभागीय टोली नेपाल पुलिस क्लबलाई ३-० को सोझो सेटमा हराउँदै एपीएफ उपाधि नजिक पुगेको हो ।
एपीएफले पुलिसमाथि २५-१०,२५-२१ र २५-१८ को सेटमा जित निकाल्दै फाइनल यात्रा तय गरेको हो ।
अब एपीएफले शनिबार हुने फाइनलमा विभागीय टोली त्रिभुवन आर्मी क्लब र गण्डकी प्रदेशबीचको विजेतासँग खेल्नेछ ।
महिलातर्फ फाइनल पुग्ने टोलीको तय भईसकेको छ ।
महिलातर्फ त्रिभुवन आर्मी क्लब र एपीएफ क्लब उपाधिका लागि भिड्ने छन् ।
प्रतियोगिताको महिला र पुरुष दुवैतर्फको उपाधि विजेता टोलीले ५/५ लाख रुपैयाँ प्राप्त गर्ने छन् ।
यस्तै उपविजेता टोलीले समान २ लाख ५० हजार, तेश्रो हुनेले १ लाख २५ हजार र सान्त्वना पुरस्कार स्वरूप चौंथो हुनले ६५ हजार पाउने छन् ।
त्यस्तै महिला तथा पुरुषतर्फ उत्कृष्ट एक–एक खेलाडीले जनही २५ हजार नगद प्राप्त गर्नेछन् भने हरेक विद्याका उत्कृष्ट खेलाडीहरु प्रशिक्षकलाई पनि जनही १० हजार नगद र ट्रफी सहित सम्मान गर्ने आयोजकले जनाएको छ ।
-1732631466.jpeg)
