नवौं राष्ट्रिय : महिला भलिबलमा एपीएफलाई स्वर्ण

पोखरा । नवौं राष्ट्रिय खेलकुद अन्तर्गत महिला भलिबलतर्फ विभागीय टोली नेपाल एपीएफ क्लबले स्वर्ण जितेको छ ।

म्याग्दीको बेनीमा बुधबार भएको फाइनलमा अर्को विभागीय टिम नेपाल पुलिस क्लबलाई ३-१ को सेटमा पराजित गर्दै एपीएफले स्वर्ण जितेको हो ।

एपीएफले पहिलो र दोस्रो सेट २५-१९ र ३०-२८ ले जितेको थियो । तेस्रो सेट २४-२६ ले एपीएफले गुमाएको थियो । चौथो सेटमा २५-१९ले जितेर एपीएफले स्वर्ण पक्का गरेको हो ।

महिला भलिबलमा बागमती प्रदेशले कास्य पदक जितेको छ । गण्डकी प्रदेशलाई ३-१ को सेटमा पराजित गरि बागमतीले कास्य जितेको हो ।