नवौं राष्ट्रिय : बागमतीलाई हराउँदै एपीएफ फाइनलमा

पोखरा । नवौं राष्ट्रिय खेलकुद अन्तर्गत महिला भलिबलतर्फ विभागीय टोली नेपाल एपीएफ क्लब फाइनलमा प्रवेश गरेको छ ।

म्याग्दीको बेनीमा मंगलबार भएको पहिलो सेमिफाईनल खेलमा बागमती प्रदेश ३-१ को सेटमा पराजित गर्दै एपीएफ फाइनलमा प्रवेश गरेको हो ।

बागमतीले पहिलो सेट २५–२३ जितेको थियो । दोस्रो,तेस्रो र चौथो सेट लगातार एपीएफले जितेको थियो । एपीएफले क्रमशः २५-२३,२५-२२ तथा २५-१६ मा तीन सेट जितेको थियो ।

एपीएफले अब स्वर्णका लागि आजै हुने दोस्रो सेमिफाइनल खेलको बिजेतासँग खेल्नेछ ।

अन्तिम सेमीफाईनल खेल गण्डकी प्रदेश र विभागीय टोली नेपाल पुलिसबीच आज नै हुनेछ ।