नवौं राष्ट्रिय खेलकुद : बागमतीको विजयी सुरुआत

पोखरा । नवौं राष्ट्रिय खेलकुद अन्तर्गत महिला भलिबलमा बागमती प्रदेशले विजयी सुरुआत गरेको छ ।

म्याग्दीको बेनीस्थित खेल मैदानमा शुक्रबार भएको खेलमा बागमतीले प्रदेश नम्बर एकलाई ३–० को सोझो सेटमा पराजित गरेको हो ।

बागमतीले २५–७, २५–१२ र २५–१२ को सेटमा प्रदेश एकमाथी जित निकालेको हो।

महिला भलिबलमा ७ प्रदेश र ३ विभागिय टोलीको सहभागिता रहेको छ ।

शुक्रबार हुने तीन खेलमध्ये आजको तेस्रो तथा अन्तिम खेलमा नेपाल पुलिस क्लब र लुम्बिनी प्रदेशका खेल हुँदैछन् ।