काठमाडौं । नवौं राष्ट्रिय खेलकुद प्रतियोगिता अन्तर्गत पुरुष भलिबलको खेल तालिका सार्वजनीक भएको छ ।
पोखरा रंगशालामा हुने पुरुष भलिबलमा सबै ११ टिमले सहभागीता जनाएका छन् । सहभागी टिमलाई चार समूहमा विभाजन गरिएको छ ।
समूह एमा पुलिस, कर्णाली र लुम्बिनी प्रदेश रहेका छन् । समूह बीमा आर्मी, प्रदेश एक र मधेश प्रदेश, समूह सीमा एपीएफ, एनआरएन र सुदूरपश्चिम र समूह डीमा गण्डकी र बागमती प्रदेश छन् ।
शुक्रबार हुने उद्घाटन खेलमा नेपाल पुलिस क्लब र कर्णाली बिहान ८ बजे भिड्नेछन् । त्यस्तै दिनको दोस्रो खेलमा गण्डकी र बागमतीबीच प्रतिस्पर्धा हुनेछ । समूहका शीर्ष दुई टिम क्वाटर फाइनल प्रवेश गर्नेछन् ।
सार्वजनीक तालिका अनुसार गण्डकी र बागतमी सिधै क्वार्टरफाइनल प्रवेश गरेका छन् । दुवै टिमले समूह विजेता बन्न प्रतिस्पर्धा गर्नेछन् ।
पुरुष भलिबलको फाइनल खेल कात्तिक ३ गते हुनेछ । महिला भलिबल भने म्याग्दीमा बिहीबारबाटै सुरु भैसकेको छ ।
-1732631466.jpeg)
-1732620977.jpg)
