अध्यक्ष चन्दलाई एभीसीको बधाई

काठमाडौं । एसियन भलिबल कन्फेडेरेसन (एभीसी) ले नेपाल भलिबल संघको नवनिर्वाचित कार्यसमितिलाई बधाई दिएको छ ।

नवनिर्वाचित अध्यक्ष जितेन्द्र बहादुर चन्दलाई पत्र लेख्दै एभीसीले बधाई तथा शुभकामान दिएको हो । 

नयाँ कार्यसमितिले नेपालमा भलिबल र खेलकुद विकासमा महत्वपूर्ण भूमिका खेल्नेमा एभीसीले विश्वास व्यक्त गरेको छ ।

गत भदौ २३ गते भएको चुनावी साधारण सभाबाट चन्द अध्यक्षमा निर्वाचित भएका थिए ।

चन्दले प्रत्यासी निरोज मास्केलाई पराजित गर्दै  ४ वर्षका लागि अध्यक्षमा निर्वाचित भएका थिए ।