झापाको दमकमा महिला भलिबल सुरु    

दमक । नवौं राष्ट्रिय खेलकुदको छनोट अन्तर्गत प्रदेश एक स्तरिय महिला भलिबल झापाको दमकमा बुधबारबाट सुरु भएको छ ।

प्रदेश नम्बर एक खेलकुद विकास बोर्डका सदस्य सचिव हंशराज वाग्लेले महिला भलिबलको उद्भाटन गरे ।

प्रतियोगिताको पहिलो दिन दमकमा संखुवासभाले पाँचथरलाई २५-११ र २५-११ ले हराएर विजयी सुरुआत गरेको छ ।

त्यसैगरी तेह्रथुमले इलामलाई २५-१७ र २५-१९ ले हरायो ।

दिनको तेस्रो खेलमा झापाले सोलुखुम्बुलाई २५-१७ र २५-२३ ले पाखा लगायो।

कमल गाउँपालिकाको पाडाजुगीँमा भएको खेलमा ओखलढुंगा,खोटाङ र उदयपुरले जित हासिल गरेका छन् ।

ओखलढुंगाले धनकुटा, खोटाङले ताप्लेजुङ र उदयपुरले सुनसरीलाई हराएको छ ।