भ्याली पब्लिक र एन्जल्स हार्ट सफल

काठमाडौं । भ्याली पब्लिक र एन्जल्स हार्टले १५ औं क्विक्स÷ग्रिनल्यान्ड कप अन्तरविद्यालय बास्केटबल प्रतियोगिताको जुनियर ब्वाइजमा शनिबार जित हात पारेका छन् ।

धापासीस्थित आयोजक ग्रिनल्यान्डको कोर्टमा भ्याली पब्लिकले लक्ष्मीपुरलाई २१–११ ले पराजित गर्यो । भ्याली पब्लिकको जितमा छिम्मे तामाङले १४ अंक योगदान गरे ।

प्रतीक कँडेलको १४ अंक सहयोगमा एन्जल्स हार्टले स्कोलर्स होमलाई १८–६ ले हरायो । ग्रिनफिल्डले सेबलाई १३–७ ले पाखा लगायो । ग्रिनफिल्डका पुजन उप्रेतीले ९ स्कोर गरे ।

सिनियर गल्र्समा भ्याली पब्लिकले लालीगुराँस नेसनल एकेडेमीलाई ३२–१२ तथा पृथ्वीले फेरिल्यान्डलाई २५–२४ ले निराश पारे । भ्याली पब्लिकका एन्जल गुप्ता र अनिता गुरुङले समान ११–११ तथा पृथ्वीकी दावा छिरिङ गुरुङले १३ अंक बटुले ।

सिनियर ब्वाइजमा भ्याली पब्लिकले सेन्ट जोसेफलाई ४२–३०, ग्रिनल्यान्ड ‘ए’ ले पृथ्वीलाई ४६–३५, बसुन्धारा नेसनल एकेडेमी (बीएनए) ले फेरिल्यान्डलाई ४५–२५ र ग्रिनफिल्डले स्कोलर्स होमलाई २९–१९ ले पन्छाए ।

भ्याली पब्लिकका अनमोल गुरुङले १४, ग्रिनल्यान्डका दिवस भुजेलले १९, बीएनएका सन्देश खड्काले १९ र ग्रिनफिल्डका सुशान्त कार्कीले २० अंक जोडे ।