काठमाडौं । नेपालका पर्शुराम बाँस्तोलाले १९ औं वार्षिक सातो कप कराते च्याम्पियनसिपमा स्वर्ण पदक जितेका छन् ।
क्यानाडाको भेन्कुभरमा पर्शुरामले एकल कातातर्फ नेपाललाई स्वर्ण दिलाएका हुन् । स्वर्ण जित्ने क्रममा पर्शुरामले क्यानाडाका खेलाडीलाई ३–२ अंकले हराएका थिए ।
पर्शुरामले भारत, अमेरिका र चीनका खेलाडीलाई हराएर फाइनल यात्रा तय गरेका थिए ।
प्रतियोगितामा ३५ राष्ट्रको खेलाडीको सहभागिता रहेको थियो ।
