काठमाडौं । रोयल स्पोर्ट्स सेन्ट्रलले फादर वाट्रिन महिला खुला बास्केटबल प्रतियोगितामा शनिबार जित हात पारेको छ।
गोदावरी अल्मुनाई एसोसिएसन (जिएए) द्वारा आयोजित प्रतियोगितामा रोयलले आईएसए नेपाललाई ४०–१३ ले सहजै पराजित गर्यो । रोयलकी ममता गुरुङले ९ अंक जोडिन् ।
धरानले जिएए तेश्रो रोयल यु–२३ पुरुष बास्केटबल प्रतियोगितामा शनिबार सफलता पाएको छ । धरानले जेभियर इन्टरनेसनललाई ६१–४२ ले हरायो । धरानका योगेश राईले २३ स्कोर गरे ।
रोयल स्पोर्ट्स सेन्ट्रलको आयोजनामा जारी प्रतियोगितामा अन्माइस नेपालले क्वेस्टलाई ५७–३२, इक्याब मेरिलियोन जिम्नाजियमले बीएमकेलाई ६७–६४ र रोयलले शंकरदेव क्याम्पसलाई ८१–५१ ले पन्छाए ।
अन्माइसका नम बिसी र प्रह्लाद बस्नेतले १२–१२, इक्याबका प्रसिद्ध मगरले १५ तथा विगतका दुवै संस्करणको विजेता रोयलका निकेश मगरले २० अंक जोडे ।
