ढोरपाटनमाथि एपीएफको जित

काठमाडौं । एपीएफ क्लबले छैटौं संस्करणको आरबीबी-एनभीए राष्ट्रिय महिला तथा पुरुष क्लब भलिबल लिग प्रतियोगिताको पुरुषतर्फ जित निकालेको छ ।

त्रिपुरेश्वरस्थित राखेपको कभर्डहलमा शुक्रबार एपीएफले आफ्नो अन्तिम खेलमा ढोरपाटन स्पोर्ट्स क्लबलाई ३-० को सेटमा हराएको हो ।

एपीएफले ढोरपाटनमाथि २५-१३, २५-१५, २५-१४ को सेटमा जित निकाल्यो ।

जितसँगै एपीएफले पाँच खेलबाट ९ अंक बनाएको छ । ढोरपाटनले १ अंक जोडेको छ ।

लिगमा पुरुषतर्फ ७ टिम र महिलातर्फ ५ टिमको सहभागिता रहेको छ ।

पुरुषतर्फ त्रिभुवन आर्मी क्लब, नेपाल पुलिस क्लब, एपीएफ क्लब, हेल्प नेपाल, गण्डकी प्रदेश, गल्कोट स्पोर्ट्स क्लब र ढोरपाटन क्लब रहेको छ ।

महिलातर्फ त्रिभुवन आर्मी क्लब, नेपाल पुलिस क्लब, एपीएफ क्लब, न्यु डायमण्ड र एभरेस्ट मावि रहेको छ ।

विजेताले ६ लाख, उपविजेताले ३ लाख, तेस्रोले १ लाख ५० हजार र चौंथोले ७५ हजार प्राप्त गर्ने छन्  ।

सर्वोत्कृष्ट पुरुष तथा महिला खेलाडीले जनही ३५/३५ हजार पाउँदा व्यक्तिगत विधा तर्फ उत्कष्ट सेटर, ब्लकर सर्भर, स्पाईकर, लिवेरो र प्रशिक्षकले जनही १५/१५ हजार प्राप्त गर्नेछन् ।