काठमाडौं । हेल्प नेपालले छैटौं संस्करणको आरबीबी-एनभीए राष्ट्रिय महिला तथा पुरुष क्लब भलिबल लिग प्रतियोगितामा पुरुषतर्फ पाँचौं जित निकालेको छ ।
त्रिपुरेश्वरस्थित राखेपको कभर्डहलमा शुक्रबार गल्कोट स्पोर्ट्स क्लबलाई ३-० को सोझो सेटमा हराएर हेल्पले पाँचौं जित निकालेको हो ।
हेल्पले गल्कोटमाथि २५-१५,२५-१३ र २५-२१ को सेटमा जित निकालेको हो ।
जितसंगै हेल्प नेपालले ५ खेलमा १४ अंक जोडेको छ ।
हेल्प नेपाल शीर्ष स्थानमा उक्लिएको छ ।
गल्कोटको ३ अंक रहेको छ ।
लिगमा पुरुषतर्फ ७ टिम र महिलातर्फ ५ टिमको सहभागिता रहेको छ ।
शीर्ष टोलीले उपाधि जित्ने छन् ।
विजेताले ६ लाख, उपविजेताले ३ लाख, तेस्रोले १ लाख ५० हजार र चौंथोले ७५ हजार प्राप्त गर्ने छन् ।
सर्वोत्कृष्ट पुरुष तथा महिला खेलाडीले जनही ३५/३५ हजार पाउँदा व्यक्तिगत विधा तर्फ उत्कष्ट सेटर, ब्लकर सर्भर, स्पाईकर, लिवेरो र प्रशिक्षकले जनही १५/१५ हजार प्राप्त गर्नेछन् ।
-1731292263.jpg)
-1732590134.webp)
