क्लब भलिबल लिग : आज चार खेल

काठमाडौं । छैटौं संस्करणको आरबीबी-एनभीए राष्ट्रिय महिला तथा पुरुष क्लब भलिबल लिग प्रतियोगिता अन्तर्गत आज शुक्रबार चार खेलहरु हुँदैछन् ।

त्रिपुरेश्वरस्थित राखेपको कभर्डहलमा आज महिलातर्फ एक र पुरुषमा तीन खेलहरु हुनेछन् ।

महिलातर्फको खेलमा न्यु डायमण्ड स्पोर्ट्स क्लब र एपीएफ क्लबबीच प्रतिस्पर्धा हुनेछ । खेल बिहान १० बजे सुरु हुनेछ ।

यस्तै पुरुषतर्फ पहिलो खेलमा हेल्प नेपाल र गल्कोट स्पोर्ट्स क्लबबीच प्रतिस्पर्धा हुनेछ । दुई टोलीबीचको खेल अपरान्ह १२ बजे सुरु हुनेछ ।

दोस्रो खेलमा त्रिभुवन आर्मी क्लब र नेपाल पुलिस क्लबबीच प्रतिस्पर्धा हुनेछ । यस खेल २ बजे सुरु हुनेछ ।

यस्तै पुरुषको तेस्रो खेलमा एपीएफ क्लब र ढोरपाटन स्पोर्ट्स क्लबबीच प्रतिस्पर्धा हुनेछ । यस खेल ४ बजे सुरु हुनेछ।

लिगमा पुरुषतर्फ ७ टिम र महिलातर्फ ५ टिमको सहभागिता रहेको छ ।

पुरुषतर्फ त्रिभुवन आर्मी क्लब, नेपाल पुलिस क्लब, एपीएफ क्लब, हेल्प नेपाल, गण्डकी प्रदेश, गल्कोट स्पोर्ट्स क्लब र ढोरपाटन क्लब रहेको छ ।

महिलातर्फ त्रिभुवन आर्मी क्लब, नेपाल पुलिस क्लब, एपीएफ क्लब, न्यु डायमण्ड र एभरेस्ट भलिबल क्लब रहेको छ ।

विजेताले ६ लाख, उपविजेताले ३ लाख, तेस्रोले १ लाख ५० हजार र चौंथोले ७५ हजार प्राप्त गर्ने छन् । 

सर्वोत्कृष्ट पुरुष तथा महिला खेलाडीले जनही ३५/३५ हजार पाउँदा व्यक्तिगत विधा तर्फ उत्कष्ट सेटर, ब्लकर सर्भर, स्पाईकर, लिवेरो र प्रशिक्षकले जनही १५/१५ हजार प्राप्त गर्नेछन् ।