काठमाडौं । त्रिभुवन आर्मी क्लबले छैटौं संस्करणको आरबीबी-एनभीए राष्ट्रिय महिला तथा पुरुष क्लब भलिबल लिग प्रतियोगिताको पुरुषतर्फ लगातार चौंथो जित निकालेको छ ।
त्रिपुरेश्वरस्थित राखेपको कभर्डहलमा बुधबार ढोरपाटन स्पोर्ट्स क्लबलाई ३-० को सोझो सेटमा हराउँदै आर्मीले लगातार चौंथो जित निकालेको हो ।
लगातार चौंथो जित निकाल्ने क्रममा आर्मीले ढोरपाटनमाथि २५-१३,२५-१७ र २५-१६ को सेटमा जित निकालेको हो ।
जितसँगै आर्मीले ४ खेलमा १२ अंक जोडेको छ । आर्मी शीर्ष स्थानमा रहेको छ ।
ढोरपाटनको यो लगातार चौंथो हार हो ।
पुरुषतर्फको अर्को हेल्प नेपालले एपीएफमाथि ३-१ को जित निकाल्यो । हेल्पले एपीएफलाई २५–२२, २५–१९, २८–३० र २५–२३ ले पराजित गर्यो ।
प्रतियोगितामा पुरुषतर्फ ७ टिम र महिलातर्फ ५ टिमको सहभागिता रहेको छ ।
पुरुषतर्फ त्रिभुवन आर्मी क्लब, नेपाल पुलिस क्लब, एपीएफ क्लब, हेल्प नेपाल, गण्डकी प्रदेश, गल्कोट स्पोर्ट्स क्लब र ढोरपाटन क्लब रहेको छ ।
महिलातर्फ त्रिभुवन आर्मी क्लब, नेपाल पुलिस क्लब, एपीएफ क्लब, न्यु डायमण्ड र एभरेस्ट मावि रहेको छ ।
विजेताले ६ लाख, उपविजेताले ३ लाख, तेस्रोले १ लाख ५० हजार र चौंथोले ७५ हजार प्राप्त गर्ने छन् ।
सर्वोत्कृष्ट पुरुष तथा महिला खेलाडीले जनही ३५/३५ हजार पाउँदा व्यक्तिगत विधा तर्फ उत्कष्ट सेटर, ब्लकर सर्भर, स्पाईकर, लिवेरो र प्रशिक्षकले जनही १५/१५ हजार प्राप्त गर्नेछन् ।
-1731292263.jpg)
-1732590134.webp)
