काठमाडौं । हेल्प नेपालले छैटौं संस्करणको आरबीबी-एनभीए राष्ट्रिय महिला तथा पुरुष क्लब भलिबल लिग प्रतियोगितामा पुरुषतर्फ विजयी सुरुआत गरेको छ ।
त्रिपुरेश्वरस्थित राखेपको कभर्डहलमा सोमबार ढोरपाटन स्पोर्ट्स क्लबलाई ३-० को सोझो सेटमा हराएर हेल्प नेपालले विजयी सुरुआत गरेको हो ।
हेल्पले ढोरपाटनलाई २५-२१, २७-२५ र २५-२० को सेटमा जित निकालेको हो ।
जितसँगै हेल्पले ३ अंक जोडेको छ ।
ढोरपाटनको यो लगातार दोस्रो हार हो ।
आज हुने दोस्रो खेलमा त्रिभुवन आर्मी क्लब र गण्डकी प्रदेशबीच प्रतिस्पर्धा हुनेछ ।
यस्तै पुरुषको तेस्रो खेलमा एपीएफ क्लब र गल्कोट स्पोर्ट्स क्लबबीच प्रतिस्पर्धा हुनेछ । यस खेल ४ बजे सुरु हुनेछ ।
लिगमा पुरुषतर्फ ७ टिम र महिलातर्फ ५ टिमको सहभागिता रहेको छ ।
पुरुषतर्फ त्रिभुवन आर्मी क्लब, नेपाल पुलिस क्लब, एपीएफ क्लब, हेल्प नेपाल, गण्डकी प्रदेश, गल्कोट स्पोर्ट्स क्लब र ढोरपाटन क्लब रहेको छ ।
महिलातर्फ त्रिभुवन आर्मी क्लब, नेपाल पुलिस क्लब, एपीएफ क्लब, न्यु डायमण्ड र एभरेस्ट क्लब रहेको छ ।
-1731292263.jpg)
-1732590134.webp)
