काठमाडौं । त्रिभुवन आर्मी क्लबले छैटौं संस्करणको आरबीबी-एनभीए राष्ट्रिय महिला तथा पुरुष क्लब भलिबल लिग प्रतियोगितामा विजयी सुरुआत गरेको छ ।
त्रिपुरेश्वरस्थित राखेपको कभर्डहलमा आइतबार अर्को विभागीय टोली एपीएफ क्लबलाई ३-० को सोझो सेटमा हराउँदै आर्मीले सुखद सुरुआत गरेको हो ।
आर्मीले एपीएफमाथि २५-२३, २५-१८ र २५-२२ को सेटमा जित निकालेको हो ।
प्रतियोगिता अन्तर्गत नै आइतबार नेपाल पुलिस क्लब र गण्डकी प्रदेशले समेत विजयी सुरुआत गरेका छन् ।
पुलिसले गल्कोट स्पोर्ट्स क्लबलाई ३-० को सोझो सेटमा हराउँदै सुखद सुरुआत गरेको हो ।
पुलिसले गल्कोटमाथि २५-१५, २५-१७ र २५-२३ को सेटमा जित निकालेको हो ।
यस्तै पहिलो खेलमा गण्डकी प्रदेशले ढोरपाटन स्पोर्ट्स क्लबलाई ३-१ को सेटमा हराएको थियो ।
लिगमा पुरुषतर्फ ७ टिम र महिलातर्फ ५ टिमको सहभागिता रहेको छ ।
पुरुषतर्फ त्रिभुवन आर्मी क्लब, नेपाल पुलिस क्लब, एपीएफ क्लब, हेल्प नेपाल, गण्डकी प्रदेश, गल्कोट स्पोर्ट्स क्लब र ढोरपाटन क्लब रहेको छ ।
महिलातर्फ त्रिभुवन आर्मी क्लब, नेपाल पुलिस क्लब, एपीएफ क्लब, न्यु डायमण्ड र एभरेस्ट मावि रहेको छ ।
विजेताले ६ लाख, उपविजेताले ३ लाख, तेस्रोले १ लाख ५० हजार र चौंथोले ७५ हजार प्राप्त गर्ने छन् ।
सर्वोत्कृष्ट पुरुष तथा महिला खेलाडीले जनही ३५/३५ हजार पाउँदा व्यक्तिगत विधा तर्फ उत्कष्ट सेटर, ब्लकर सर्भर, स्पाईकर, लिवेरो र प्रशिक्षकले जनही १५/१५ हजार प्राप्त गर्नेछन् ।
-1731292263.jpg)
-1732590134.webp)
