काठमाडौं । पहिलो नेशहाङ एमएमसी फुटसलको उपाधि एमएमसीले जितेको छ ।
फाइनलमा बेन्चेन एफसीलाई ७-२ गोल अन्तरले हराउँदै एमएमसीले उपाधि जितेको हो ।
उपाधिसँगै एमएमसीले ७० हजार प्राप्त गरेको छ । उपविजेता बेन्चेनले ३० हजार र तेस्रो भएको ग्यालसुम्धो बी ले १५ हजार प्राप्त गरेको छ ।
प्रतियोगितामा कर्मा गुरुङ उत्कृष्ट खेलाडी चुनिए । उनले १० हजार प्राप्त गरे ।
उत्कृष्ट गोलकिपर निचल गुरुङ, सर्वाधिक गोलकर्ता सोनाम पुनेल र इमर्जिङ प्लेयर कर्मा गुरुङ चुनिए । उनीहरुले जनही ५ हजार प्राप्त गरे ।
फेयर प्ले टिमको उपाधि नेश्हाङ योङ हर्ट्सले प्राप्त गर्दा बेस्ट भेट्रान्स कर्मा छिरिङ गुरुङ चुनिए ।
