एमआरआर फुटसलमा १६ टोली

​काठमाडौं । मेन्स रुम रिलोडेड (एमआरआर) फुटसल प्रतियोगिता हेटौडामा आयोजना हुने भएको छ ।

सामाजिक सञ्जाल फेसबुकको समूह एमआरआरले तेस्रो संस्करणको प्रतियोगिता हेटौडामा गर्न लागेको हो ।

भानु माबिको फुटसलमा आयोजना हुने प्रतियोगितामा १६ टिमको सहभागिता रहने आयोजकले जनाएको छ ।

नकआउटका आधारमा संचालन हुने प्रतियोगिता चैत १९ गते शनिबार हुनेछ ।

देश भर रहेका समूहका सदस्यहरुबीच भाईचारा स्थापना गर्ने उदेश्यले प्रतियोगिता गर्न लागिएको एमआरआरले जनाएको छ ।

यस अघि पहिलो संस्करणको प्रतियोगिता पोखरा र दोस्रो संस्करण चितवनमा भएको थियो ।

चितवनमा बुटवल 'ए' ले उपाधि जितेको थियो ।