काठमाडौं । नेपालले आईसीसी क्रिकेट विश्वकप लिग टु अन्तर्गतको तेस्रो त्रिकोणात्मक एकदिवसीय सिरिज युएईमा खेल्यो । सिरिजमा कुल ४ खेल्दा नेपालले दुई जित र दुई हार व्यहोर्यो ।
नेपालले पपुवा न्युगिनी (पीएनजी) विरुद्ध दुबै खेल जित निकाल्यो भने घरेलु टोली यूएईसँग दुबै खेलमा हार व्यहोर्यो ।
तर, सिरिजमा नेपालको ब्याटिङ प्रदर्शन औषत भन्दा कम रह्यो । यूएईको मैदानमा नेपालका ब्याटर चल्न सकेनन् । अन्तिम खेलमा बाहेक ब्याटिङमा संघर्ष गरेको नेपालले यूएईविरुद्ध लजास्पद हार व्यहोर्न बाध्य भएको थियो ।
पुरै सिरिजभर नेपालका ४ खेलाडीले मात्र ५० रन कटाउन सफल रहे । नेपालका मुख्य ब्याटरहरु क्रिजमा टिक्न समेत सकेनन् ।
यूएईमा फ्लप देखिएका नेपालका ३ ब्याटरहरु -
१. दिपेन्द्र सिंह ऐरी
दिपेन्द्र सिंह ऐरी नेपाली ब्याटिङका मुख्य खम्बा जस्तै हुन् । यूएई सिरिज अघिसम्म उनको ब्याटबाट निस्केको रनले त्यसै भन्थ्यो । तर, उनै दिपेन्द्र यूएईमा सर्वाधिक फ्लप देखिए । उनको ब्याटबाट ठुलो आशा राखेको नेपालको स्कोर निराशाजनक निस्कियो । उनले सिरिजमा रन बनाउन मात्र सकेनन् उनी मैदानमा टिक्न समेत सकेनन् ।
दुई खेलमा त उनी डक आउट नै भए । यूएई भ्रमणअघि श्रीलंकामा भएको अभ्यास खेलमा उनी लयमा देखिएका थिए । तर, युएईमा उनी चल्न सकेनन् । दिपेन्द्रले यूएईमा ४ वटै खेल खेल्दा मात्र १२ रन बनाए ।
सिरिजमा नेपालको लागि सबै खेल खेलेर सबैभन्दा कम रन बनाए दिपेन्द्रले । उनले ४ खेलमा मात्र ३३ बलको सामना गर्न सके । पहिलो खेलमा पीएनजीविरुद्ध ८ रन बनाएका दिपेन्द्र यूएईविरुद्ध पहिलो खेलमा ४ रन मात्र बनाउन सके । पछिल्ला २ खेलमा उनी खाता नखोल्दै आउट भए ।
२. आसिफ शेख
पछिल्लो एक वर्षबाट ओपनिङ ब्याटिङमा आशा देखाएका एक खेलाडी हुन् आसिफ शेख । लामो समयबाट समस्याको रुपमा रहेको नेपालको ओपनिङमा आसिफले केहि हद समाधान गर्दै आएका थिए ।
एकदिवसीय अन्तराष्ट्रियमा अर्धशतक समेत बनाइसकेका आसिफले नेपालको लागि ओपनिङमा राम्रो सुरुवात गर्ने आशा गरिएको थियो । तर, यूएई सिरिजमा उनको ब्याट चल्न सकेन । उनले नेपालको ओपनिङ ब्याटरको रुपमा ३ खेलमा मात्र २५ रन बनाउन सके । उनले मात्र ६० बल टिक्न सके ।
पहिलो खेलमा पीएनजीविरुद्ध १६ रन बनाउँदा यूएईविरुद्ध पहिलो खेलमा ७ रन बनाए । तेस्रो खेलमा बेञ्चमा आराम गरेका उनी अन्तिम खेलमा २ रन बनाउँदै पेभिलियन फर्किए ।
३. कुशल भुर्तेल
ओपनरको रुपमा स्थापित हुँदै गर्दा ओपनर कुशल भुर्तेल पनि यूएई सिरिजमा जम्न सकेनन् । विश्व कीर्तिमानी भुर्तेलबाट पछिल्लो समय नेपालको ब्याटिङ पर्दै आएको थियो । लगातार रुपमा आक्रामक क्रिकेट खेल्दै आएका भुर्तेल यस सिरिजमा फ्लप भए ।
४ खेलमा उनले ६६ रन मात्र बनाउन सके । पहिलो ३ खेलमा मात्र १६ रन बनाएका भुर्तेलले अन्तिम खेलमा यूएईविरुद्ध ५० रनको अर्धशतकीय इनिङ खेलेका थिए । ४ खेलमा भुर्तेलले ९३ बलको सामना गरे । ओपनर भुर्तेलले आसिफसँग राम्रो साझेदारी समेत बनाउन सकेनन् ।
-1738314938.jpg)
