काठमाडौं । नेपाली राष्ट्रिय क्रिकेट टोलीका पूर्व कप्तान पारस खड्का ‘एनएसजेएफ पल्सर स्पोर्ट्स अवार्ड–२०७७’ को दशक खेलाडी अवार्डबाट सम्मानित भएका छन् ।
नेपाल खेलकुद पत्रकार मञ्चले मंगलबार प्रज्ञा प्रतिष्ठान कमलादीमा आयोजना गरेको भब्य कार्यक्रमबीच पारसलाई पुरुषतर्फ दशक खेलाडी अवार्ड प्रदान गरेको हो ।
अवार्डसँगै पारसले पल्सर मोटरसाइकल प्राप्त गरे ।
सन् २०१० विश्व क्रिकेट लिग डिभिजन ५ विजेता बन्दा नेपालबाट पारसले सर्वाधिक २ सय ५० रन बनाउन सफल भएका थिए ।
२०११ मा नेपाललाई पहिलो पटक एसीसी टी–ट्वान्टी कपको सेमिफाइनलमा पु¥याउनु साथै विश्वकप छनोटमा पुर्याउन पारसले महत्वपूर्ण भूमिका निर्वाह गरे । उनले १ सय १ रन बनाउनु साथै ७ विकेट लिए ।
२०१२ मा नेपालले पहिलो पटक टी–ट्वान्टी विश्वकप छनोटमा सातौं स्थान हात पार्दा नेपालबाट सर्वाधिक २ सय ५४ रन बनाएका पारसले ७ विकेट समेत लिएका थिए ।
२०१२ मा विश्व क्रिकेट लिग डिभिजन ४ को नेपाल विजेता बन्दा पारसले ९ विकेट लिएका थिए ।
२०१३ मा नेपाल पहिलो पटक एसीसी टी–ट्वान्टी को फाइनलमा प्रवेश गर्दा नेपालबाट उनले सर्वाधिक २०७ रन बनाएका थिए ।
२०१३ मा विश्व क्रिकेट लिग डिभिजन ३ विजेता बन्दै नेपाल पहिलो पटक एकदिवसीय विश्वकप छनोटका लागि छनोट हुदा पारसले नेपालबाट सर्वाधिक १ सय ७६ रन बनाउनुका साथै ६ विकेट हात पारे ।
२०१३ मा विश्व टी–ट्वान्टी छनोटमा तेस्रो स्थान हात पार्दै नेपाललाई टी–ट्वान्टी विश्वकपमा पु¥याएका पारस नेपालका लागि दोस्रो सर्वाधिक २ सय ३२ रन बनाउनुका साथै ११ विकेट लिएका थिए ।
२०१४ मा नेपालले पहिलो पटक एकदिवसीय विश्वकप छनोट खेलेको थियो ।
२०१४ मा नेपाललाई पहिलो पटक टी–ट्वान्टी विश्वकपमा उतार्दै ३ खेलमा ८३ रन बनाएका पारसले नेपाललाई हङकङ र अफगानिस्तानमाथि ऐतिहासिक जित दिलाएका थिए ।
२०१५ मा नेपालाई विश्व क्रिकेट लिग डिभिजन २ मा चौथों स्थान दिलाउदै विश्व क्रिकेट लिग च्याम्पियनसिपमा पु¥याएका पारस नेपालबाट दोस्रो सर्वाधिक १ सय ८५ रन बनाउदै प्लेयर अफ द सिरिज घोषित भए ।
२०१५–१७ विश्व क्रिकेट लिग च्याम्पियनसिपमा नेपाललाई सातौं स्थानमा उभ्याउदा पारसले नेपालबाट दोस्रो सर्वाधिक रन बनाउनेक्रममा ४ सय ८ रन बनाएका थिए ।
२०१८ मा नेपाललाई डिभिजन २ को फाइनलमा पु¥याउदै विश्वकप छनोटमा पु¥याएका पारसले फाइनलमा नटआउट १ सय १२ रन बनाउदै प्रतियोगितामा सर्वाधिक २४१ रन जोडेका थिए ।
पारस २०१८ मा विश्वकप छनोटमा नेपाललाई आठौं स्थान दिलाउदै एकदिवसीय अन्तर्राष्ट्रिय मान्यता दिलाउन सफल भएका थिए ।
व्यक्तिगतरुपमा पारस नेपालबाट एकदिसीय तथा टी–ट्वान्टी अन्तर्राष्ट्रियमा पहिलो शतक बनाउने खेलाडी हुन ।
-1738314938.jpg)
