काठमाडौं । बी डिभिजन क्लब चर्च ब्वाइज युनाइटेडले मेडिकल पार्टनरको रुपमा अर्थोप्लाष्ट रिह्याब सेन्टर संग सम्झौता गरेको छ ।
ग्वार्को स्तिथ अर्थोप्लाष्ट रिह्याब सेन्टरमा आयोजित एक कार्यक्रममा अर्थोप्लाष्टका निर्देशक सुरज भुसाल र चर्च ब्वाइज युनाइटेड अध्यक्ष रुबेन राईले सम्झौता पत्रमा हस्ताक्षर गरेका छन् ।
शीर्ष डिभिजन लिज विजेता मछिन्द्र फुटबल क्लब र तेस्रो स्थान हासिल गर्न सफल न्यु रोड टिमसँग अर्थोप्लाष्टको संलग्नता रहेको र फुटबल मात्र नभई अन्य विभिन्न खेलकुदमा पनि संलग्न रहेको छ ।
खेलकुदमा ठुलो चोट लाग्नबाट बचाउन र चोट लागिहाले छिटो भन्दा छिटो खेलाडीलाई खेलमा फर्काउने अर्थोप्लाष्टको मुख्य योजना रहेको निर्देशक भुसालले बताए ।
शीर्ष डिभिजन मात्र नभई खेलकुदको जुनसुकै डिभिजन या प्रतियोगिताहरुमा आफुहरु साथ दिन तयार रहेको कुरा उनले जनाए ।
खेलकुद विकासका लागि मुख्य कुरा मधे एक खेलाडीमा लाग्ने चोट कम गर्नु हो र सो कार्यको लागि आफुहरु हरपल तयार रहेको उनले बताए ।
