बागमती प्रदेशका १३ जिल्लाका खेलकुद अध्यक्ष पदमुक्त

गृहपृष्ठ
अन्य

शनिबार, फागुन ७, २०७८ खेलपाटी संवाददाता

काठमाडौं । बागमती प्रदेश सरकारले १३ जिल्ला खेलकुद विकास समितिका अध्यक्षलाई पदमुक्त गरेको छ ।

नियमावली संशोधनमार्फत प्रदेश सरकारले १३ जिल्लाका खेलकुद विकास समितिका अध्यक्षलाई पदमुक्त गर्ने निर्णय गरेको हो ।

बिहीबार बसेको मन्त्रीपरिषद्को बैठकले नियमावली संशोधन गर्दै जिल्ला खेलकुद विकास समितिका अध्यक्षको कार्यकाललाई दुई वर्षको हुने व्यवस्था गरेपछि १३ जिल्लाका अध्यक्ष पदमुक्त भएका हुन् ।

प्रदेश खेलकुद विकास नियमावलीमा जिल्ला अध्यक्षको कार्यकाल कति वर्षको हुने भन्ने निश्चित थिएन । नियमावलीले जिल्ला अध्यक्षको कार्यकाल संशोधन भए अनुसारको हुने व्यवस्था गरेको थियो ।

सोही अनुसार मन्त्रीपरिषद्ले पुरानो सरकारको पालामा नियुक्ति पाएका जिल्ला अध्यक्षलाई पदमुक्त हुने गरि नियमावली संशोधन गर्ने निर्णय गरेको हो ।

‘अहिलेका जिल्ला अध्यक्ष जति कार्यकाल राख्दा जान्छन्, त्यही अनुसार संशोधन भएको हो ।’ मन्त्रालय अन्तरगतका एक अधिकारीले भने ।

तत्कालिन नेकपा नेतृत्वको सरकारको पालामा बागमती प्रदेशका १३ मध्य माओवादीबाट ७ र एमालेबाट ६ जना जिल्ला अध्यक्ष सिफारिस भएका थिए ।

नेकपा विभाजित भएपछि माओवादीका दुई जना जिल्ला अध्यक्ष एमालेतिर गएका थिए । त्यसपछि माओवादीका ५ र एमालेका ८ जना जिल्ला अध्यक्ष थिए ।

पदमुक्त भएका जिल्ला खेलकुद विकास समितिका अध्यक्षको नामावली :

मकवानपुर : सानुलाल दोङ

सिन्धुली : खड्क रजन मगर

काठमाडौं : अरुण बस्नेत

चितवन : प्रल्हाद प्रधान

धादिङ : प्रतापसिं तामाङ्ग

रसुवा : दावा तामाङ्ग

काभ्रेपलाञ्चोक : मनबिर लामा