काठमाडौं । नर्वे पुन: बेइजिङ विन्टर ओलम्पिकको पदक तालिकाको शीर्ष स्थानमा उक्लिएको छ ।
नर्वेले सर्वाधिक ९ स्वर्ण, ५ रजत र ७ कास्य सहित २१ पदक हात पार्न सफल भएको छ ।
दोस्रो स्थानमा झरेको जर्मनीले ८ स्वर्ण, ५ रजत र १ कास्य जितेको छ ।
यता ७ स्वर्ण, ६ रजत र २ कास्य जितेको अमेरिका तेस्रो स्थानमा रहेको छ ।
चौथो स्थानमा रहेको नेदरल्यान्ड्सले ६ स्वर्ण, ४ रजत र २ कास्य जित्दा पाँचौ स्थानको स्वीडेनले ५ स्वर्ण, ३ रजत र ३ कास्य हात पारेको छ ।
रुस ओलम्पिक कमिटिले ४ स्वर्ण, ६ रजत र ८ कास्य तथा अष्ट्रीयाले ४ स्वर्ण, ६ रजत र ४ कास्य प्राप्त गरेका छन् ।
आयोजक चीन ४ स्वर्ण, ३ रजत र २ कास्यसहित आठौं स्थानमा रहेको छ ।
३ स्वर्ण, ६ रजत र २ कास्यसहित फ्रान्स नवौं स्थानमा रहदा ३ स्वर्ण र ५ कास्यसहित स्वीट्जरल्यान्ड १० औं स्थानमा छ ।
