विन्टर ओलम्पिकको पहिलो स्वर्ण नर्वेलाई 

काठमाडौं । बेइजिङ विन्टर ओलम्पिकको पहिलो स्वर्ण पदक नर्वेले जितेको छ । 

थेरेसे जोहाउगले नर्वेका लागि पहिलो स्वर्ण पदक जितेकी हुन् ।

जोहाउगले महिलाको स्कीयाथलनको १५ किलोमिटर क्रस कन्ट्री स्कीइङमा स्वर्ण हात पारिन् ।

जोहाउगले जीवनका पहिलो व्यक्तिगत स्वर्ण पदक हात पारेकी हुन् । 

तर तेस्रो पटक ओलम्पिकमा सहभागिता जनाएकी जोहाउगका लागि यो दोस्रो स्वर्ण तथा चौथो ओलम्पिक पदक हो । 

उनले ४४ मिनेट तथा १३.७ सेकेन्डमा सो दूरी पुरा गरेकी थिईन् ।

रुसकी नाटालिया नेपर्याइभाले ४४ मिनेट तथा ४३.९ सेकेन्डमा रजत पदक तथा अष्ट्रीयाकी टेरेसा स्टाड्लोबरले ४४ मिनेट तथा ४४.२ सेकेन्डमा कास्य पदक हात पारिन् ।