आयरल्यान्डद्धारा वेस्ट इन्डिज पराजित  

काठमाडौं । वेस्ट इन्डिजविरुद्धको दोस्रो एकदिवसिय क्रिकेट पाहुना टोली आयरल्यान्डले ५ विकेटले जितेको छ । 

जितसँगै तीन खेलको सिरिजमा आयरल्यान्डले १–१ को बराबरी गरेको छ । यस अघि पहिलो खेल वेस्ट इन्डिजले जितेको थियो । 

वर्षाका कारण प्रभावित खेल आयरल्यान्डले डिएल मेथड अनुसार ५ विकेटले जितेको हो । 

आयरल्यान्डले ३६ ओभरमा १ सय ६८ रनको लक्ष्य पाएको थियो । 

आयरल्यान्डले ३२ दशलमब ३ ओभरमै ५ विकेट गुमाएर उक्त लक्ष्य पुरा गर्यो । 

आयरल्यान्डका लागि ह्यारी टेक्टरले अविजित ५४ रनको योगदान गरे । 

एन्डी माइकब्रिनले ३५ रन बनाए । 

वेस्ट इन्डिजका अकिल होसेनले दुई विकेट लिदा रोस्टन चेज, रोमारियो सेफर्ड र काइरन पोलार्डले एक–एक विकेट हात पारे ।

यस अघि टस हारेर पहिले ब्याटिङ गरेको वेस्ट इन्डिजले ४८ ओभरमा अलआउट हुदै २ सय २९ रन बनाएको थियो । 

वेस्ट इन्डिजका लागि रोमारियो सेफर्डले ५० तथा ओडियन स्मीथले ४६ रनको योगदान गरेका थिए । 

आयरल्यान्डका एन्डी माइकब्रिनले सर्वाधिक ४ विकेट हात पारे । 

क्रेग योंगले ३ तथा जोश लिटलले २ विकेट लिए ।