भारतविरुद्ध जित नजिक दक्षिण अफ्रिका  

काठमाडौं । भारतविरुद्धको तेस्रो टेस्टमा घरेलु टोली दक्षिण अफ्रिकाले बलियो पकड बनाएको छ । 

केप टाउनमा जारी खेलमा जितका लागि २ सय १२ रनको लक्ष्य पछ्याएको दक्षिण अफ्रिकाले तेस्रो दिनको समाप्तीमा १ सय १ रन बनाएर दुई विकेट गुमाएको छ ।

दक्षिण अफ्रिकालाई जितका लागि अब १ सय ११ रनको आवश्यकता छ ।  

दक्षिण अफ्रिकाका किगन पिटरसन ४८ रनमा नटआउट छन् ।

कप्तान डिन इल्गार ३० रन तथा एइडेन मार्कराम १६ रनमा आउट भए । 

भारतका जसप्रित बुमराह र मोहम्मद शामीले एक–एक विकेट लिए । 

यस अघि दोस्रो इनिङ्समा भारत १ सय ९८ रनमा अलआउट भएको थियो । 

रिसभ पन्तले भारतका लागि शतकिय इनिङ्स खेले । उनले एक सय रनको योगदान गरे । 

कप्तान विराट कोहली २९ रनमा आउट भए । 

दक्षिण अफ्रिकाका मार्को जानसेनले सर्वाधिक ४ विकेट हात पारे । 

कगिसो रवाडा र लुंगी नगिडीले समान ३–३ विकेट लिए । 

पहिलो इनिङ्समा भने भारतले २ सय २३ रन जोड्दा दक्षिण अफ्रिकाले २ सय १० रन बनाएको थियो । 

सिरिज अन्तर्गत भारत र दक्षिण अफ्रिकाले एक–एक खेल जितेका छन् ।