सन्दीपले दुई विकेट लिदाँ होबार्टको जित 

काठमाडौं । बीग बास लिग (बीबीएल) मा सन्दीप लामिछाने सम्मिलित होबार्ट हरिकेन्सले जित हात पारेको छ । 

सिड्नी थन्डर्सलाई ९ रनले पराजित गर्दै होबार्टले १२ खेलमा छैठौ जित हात पारेको हो । 

होबार्टको जितमा लामिछानेले दुई विकेट हात पारे । 

लामिछानेले ४ ओभर बलिङ गर्दै २६ रन खर्चेर दुई विकेट लिएका थिए । 

१ सय ७८ रनको लक्ष्य पछ्याएको सिड्नीले निर्धारित २० ओभरमा ९ विकेट गुमाएर केवल १ सय ६८ रन मात्र जोड्न सक्यो । 

सिड्नीका लागि अलेक्स हेल्सले १७ बलमा ७ चौका र एक छक्काको मदतमा सर्वाधिक ३८ रन जोडे । 

लामिछानेले दुई विकेट लिदा होबार्टका रिले मेरेडिथ र जोर्डन थोम्पसनले समान तीन–तीन विकेट हात पारे । 

यस अघि टस जितेर पहिले ब्याटिङ गरेको होबार्टले निर्धारित २० ओभरमा ६ विकेट गुमाउदै १ सय ७७ रन जोडेको थियो । 

होबार्टका लागि कप्तान म्याथ्यू वाडेले सर्वाधिक ८३ रनको योगदान गरे । ५४ बलको सामना गर्दा वाडेले ८ चौका र २ छक्का हिर्काए । 

कावेल जेवेलले ५१ रनको योगदान गरे । उनले ३२ बलमा ५ चौका र ३ छक्का हिर्काएका थिए । 

सिड्नीका गुरिन्दर सान्धुले सर्वाधिक २ विकेट लिए ।