नारायण क्षेत्री
पोखरा । कास्कीको अन्नपूर्ण गाउँपालिका–१० छोम्रोङमा पुरुष भलिबल तथा बास्केटबल प्रतियोगिता आयोजना हुने भएको छ ।
सेन्चुरी युवा क्लबको आयोजनामा २० औं सेन्चुरी ल्होसार महोत्सवका अवसरमा आइतबार देखि १४ गते सम्म सञ्चालन हुने प्रतियोगितामा भलिबल र बास्केटबल प्रतियोगिताको आयोजना गरिएको क्लबका अध्यक्ष मिकास गुरुङले जानकारी दिए ।
भलिबल तर्फ १२ टिम र बास्केटबल तर्फ १४ टिमले नाम दर्ता गराइसकेका छन् । दुवै प्रतियोगिताको विजेता टिमले शिल्ड, मेडल तथा प्रमाणपत्र सहित नगद २५ हजार प्राप्त गर्नेछन् ।
त्यस्तै दोस्रो हुने टिमले १५ हजार र तेस्रो हुने टिमले नगद ८ हजार सहित शिल्ड, मेडल र प्रमाणपत्र प्राप्त गर्ने क्लबका सल्लाहकार राजकुमार गुरुङले बताए । प्रतियोगिताको निवर्तमान युवा तथा खेलकुद मन्त्री जगत विश्वकर्माले उद्घाटन गर्ने आयोजकले जनाएको छ ।
