काठमाडौं । शिव सेना, ललितपुरको आयोजनामा प्रथम अनमोल स्मृति पुरुष खुला बास्केटबल प्रतियोगिता पुस १५ गतेदेखि हुने भएको छ ।
प्रतियोगितामा १० टिमको सहभागिता रहने प्रतियोगिता संयोजक अजय मानन्धरले जनाएका छन् ।
सहभागी टिमले विदेशी खेलाडीलाई पनि राख्न पाउने प्रावधान राखिएको आयोजकले जनाएको छ ।
विजेताले १ लाख र उपविजेताले ५० हजार नगद पुरस्कार पाउने छन् । पुस २५ गतेसम्म चल्ने प्रतियोगिताका खेलहरु चण्डोलस्थित विशाल मिलन केन्द्रको कोर्टमा खेलाइने छ ।
खेल लिग कम नकआउट आधारमा खेलाइने छ । स्व. अनमोल राई बास्केटबल प्रशिक्षक र निर्णायक हुन् ।
-1732413260.jpg)
