काठमाडौं । सिओम टेबलटेनिस नेपालले प्रथम नेपाल एपीएम खुला टेबलटेनिस प्रतियोगिताका विजेताका लागि ५ लाख बराबरीको खेलसामग्री प्रदान गरेको छ ।
सिओमले नेपाल एपीएम टेबलटेनिस प्रा.लि. लाई ५ लाख रुपैयाँ बराबरको खेल सामाग्री प्रदान गरेको हो ।
प्रतियोगिता बिहीबारबाट आयोजना हुदैछ ।
सिओमका प्रबन्ध निर्देशक ज्याकी महर्जनले एपीएमका निर्देशक दानबहादुर महतालाई बुधबार एक कार्यक्रमबीच खेल सामाग्री हस्तान्तरण गरेका हुन् ।
प्रतियोगितामा पुरुष तथा महिला सिंगल्ससहित विभिन्न ८ क्याटेगोरीमा प्रतिस्पर्धा हुने छ ।
निर्देशक महताका अनुसार सबै क्याटेगोरीका विजेतालाई प्रोत्साहन स्वरुप खेल सामाग्री प्रदान गरिनेछ ।
शीर्ष तीन स्थान हात पार्नेले क्रमशः १० हजार, ५ हजार र २ हजार ५ सय–२ हजार ५ सय नगद पुरस्कार प्राप्त गर्ने छन् ।
प्रतियोगितामा तीन विभागीय टोली नेपाल प्रहरी, नेपाल आर्मी र एपीएफकासहित जम्मा ३ सय ५० खेलाडीको सहभागिता रहने आयोजकले जनाएको छ ।
तीनदिने प्रतियोगिताका खेलहरु भैसेपाटीमा हुनेछ ।
