काठमाडौं । नेपाल ओलम्पिक कमिटीले लामा टेन्डी शेर्पाको निधनको १४ औं पुण्य तिथिमा मंगलबार शोक सभा कार्यक्रमको आयोजना गरेको छ ।
कमिटीका पूर्व महासचिव समेत रहेका शेर्पाको मंसिर ८ मा निधन भएको थियो । नेपाल बास्केटबल संघका निवर्तमान अध्यक्ष रहेका टेन्डी शेर्पा राष्ट्रिय खेलकुद परिषदका पूर्प उपाध्यक्ष पनि हुन् ।
त्यस अवसरमा कमिटीका अध्यक्ष जीवनराम श्रेष्ठ, महासचिव निलेन्द्रराज श्रेष्ठ र उपाध्यक्ष तथा कार्यकारी निर्देशक चतुरानन्दराज बैद्यलगायत विभिन्न संघका पदाधिकारीले स्वर्गीय लामाको तस्विरमा पुष्पगुच्छा चढाएर भावपूर्ण श्रद्धान्जली अर्पण गरेका थिए ।
कमिटीको सातदोबाटो स्थिति ओलम्पिक भवनमा आयोजित कार्यक्रममा अध्यक्ष श्रेष्ठसँगै स्वर्गीय लामा बुबा टेन्डी पासाङ शेर्पा तथा नेपाल बास्केटल संघका कार्यवाहक भीम सिंह गुरुङले नेपाली खेलकुदमा उहाँको योगदानबारे चर्चा गरे ।
