आर्मी र बूढानीलकण्ठ क्वाटरफाइनलमा

काठमाडौं ।  आर्मी ‘ए’ र बूढानीलकण्ठ गोड्स ‘ए’ थ्री बाइ थ्री पुरुष बास्केटबल प्रतियोगितामा शनिबार क्वाटरफाइनलमा प्रवेश गरेका छन् ।

आर्मी समूह ‘ए’ को विजेता तथा बूढानीलकण्ठ समूहको उपविजेता बन्दै क्वाटरफाइनलमा प्रवेश गरेको हो ।

नेपाल बास्केटबल संघको सहयोगमा ललितपुर जिल्ला बास्केटबल संघले आयोजना गरेको प्रतियोगिताको समूह ‘बी’ बाट टाइम्स ‘ए’ विजेता र बूढानीलकण्ठ ‘बी’ उपविजेता तथा समूह ‘सी’ बाट विशाल मिलन केन्द्र विजेता र रोयल्स उपविजेता हुँदै क्वाटरफाइनलमा पुगेका छन् ।

त्यस्तै समूह ‘डि’ बाट गोल्डेनगेट ‘ए’ विजेता तथा कीर्तिपुर ‘ए’ उपविजेताका हैसियतले क्वाटरफाइनलमा स्थान सुरक्षित गर्न सफल रहे ।

त्रिपुरेश्वरस्थित राष्ट्रिय खेलकुद परिषद्को सेमी कभर्डहलमा भइरहेको प्रतियोगिता आइतबार सम्पन्न हुने छ ।