काठमाडौं । वाई–वाई यु–१९ पुरुष राष्ट्रिय क्रिकेट प्रतियोगिता अन्तर्गत प्रदेश नं. १ ले विजयी सुरुआत गरेको छ ।
टियु मैदानमा बागमती प्रदेशलाई २६ रनले पराजित गर्दै प्रदेश १ ले विजयी सुरुआत गरेको हो ।
प्रदेश १ ले दिएको १ सय ७६ रनको लक्ष्य पछ्याएको बागमतीले ३१ दशमलब ४ ओभरमा आफ्ना सबै विकेट गुमाउदै केवल १ सय ४९ रन जोड्न सक्यो ।
बागमतीका लागि विपिन शाहीले सर्वाधिक ४३ तथा विवेक मगरले ४२ रनको योगदान गरेपनि त्यो जितका लागि पर्याप्त हुन सकेन ।
प्रदेश नं. १ लाई जित दिलाउन लभ कामतले सर्वाधिक ५ विकेट हात पारे । उनले छ ओभर बलिङ गर्दै २६ रन खर्चेका थिए ।
दिपेश कँडेलले ३ विकेट हात पार्दा दिपक जोशीले १ विकेट लिए ।
यस अघि टस जितेर पहिले ब्याटिङ गरेको प्रदेश नं. १ ले ४५ दशमलब ३ ओभरमा आफ्ना सबै विकेट गुमाउदै १ सय ७५ रन जोडेको थियो ।
प्रदेश १ का लागि दिपक जोशी र लभ कामतले समान ३३–३३ रन जोडे ।
ओपनर सोनु अन्सारीले ३२ रनको योगदान गर्दा दिपेश कँडेलले २३ रन बनाए ।
बागमतीका तिलक भण्डारी र क्रिस कार्कीले समान तीन–तीन विकेट हात पारे ।
प्रतिश जिसीले दुई तथा गौतम केसी र विवेक मगरले एक–एक विकेट चट्काए ।
-1737558619.JPG)
-1737554261.JPG)
