वैवाहिक बन्धनमा बाँधिदै प्रकाश

काठमाडौं ।  'ए' डिभिजन क्लब फ्रेन्ड्स क्लब कुपन्डोलका कप्तान प्रकाश बुढाथोकी वैवाहिक बन्धनमा बाधिने भएका छन् ।

मिडफिल्डर प्रकाशले प्रेमिका एलिना राईसँग विवाह गर्न लागेका हुन् ।

प्रकाशले शुक्रबार इन्गेजमेन्ट र शनिबार विवाहको साइत रहेको जानकारी गराए ।

लामो समयबाट रहदै आएको प्रेम सम्बन्धलाई प्रकाशले विवाहमा परिणत गर्न लागेका हुन् ।

बेलायतमा बस्दै आएकी राई शिक्षण पेशामा रहेकी छिन् ।

विवाहका लागि राई बेलायतबाट नेपाल आईसकेकी छिन् ।

राष्ट्रिय टोलीबाट खेलिसकेका मिडफिल्डर प्रकाशले यस सिजनको शीर्ष लिग फ्रेन्ड्सबाट खेल्ने छन् ।

फ्रेन्ड्सले यसै सिजनको लिगका लागि प्रकाशलाई टिममा अनुबन्ध गरेको हो ।

'ए' डिभिजन लिग शुक्रबारबाट सुरु हुनेछ ।

यस्तै फ्रेन्ड्सले प्रकाशलाई टिमको कप्तानीको जिम्मेवारी समेत दिएको छ ।

प्रकाशले अघिल्लो सिजनको लिग न्युरोड टिम एनआरटीबाट खेलेका थिए ।

त्यसअघि उनले मनाङको जर्सी लगाएका थिए ।

त्यस्तै उनले थ्री स्टार क्लबबाट समेत खेलिसकेका छन् ।