पोखरामा चेल्सी समर्थकको फुटसल हुने

पोखरा । ईलाईट मोटोर्सको प्रायोजनमा चेल्सी पोखरा फुटसल प्रतियोगिता शनिबार आयोजना हुने भएको छ ।

पोखरामा रहेका इंग्लिस प्रिमियर लिग क्लब चेल्सी फुटबल क्लबका समर्थकहरुको फुटसल प्रतियोगिता शनिबार हुन लागेको हो ।

प्रतियोगितामा चेल्सी समर्थकका पाँच टिमको सहभागिता हुनेछ ।

पोखरामा बस्ने चेल्सी नेपालका सदस्यहरुले यस कार्यक्रमलाई वार्षिक कार्यक्रमको रुपमा हरेक वर्ष आयोजना गर्दै आइरहेका छन् ।

यस प्रतियोगिता दोस्रो संकरणको भएको चेल्सी पोखराका संयोजक नबिन बस्नेतले जानकारी गराए ।

चेल्सी पोखराले खेलकुदसँगै सामाजिक कार्यहरु समेत गर्दै आईरहेका छन् ।