फुटसल लिग : मणि र अनिश उत्कृष्ट

पोखरा । पोखरामा सम्पन्न राष्ट्रिय 'ए' डिभिजन फुटसल लिगमा संखमुल फुटसलका मणि लामा उत्कृष्ट एएलए चुनिएका छन् ।

पोखराको बहूदेशीय कभर्डहलमा शुक्रबार सकिएको लिगमा मणि उत्कृष्ट एएलए चुनिएका हुन् ।

यस्तै उत्कृष्ट  गोलकिपर संखमुलका अनिश श्रेष्ठ चुनिए ।

उत्कृष्ट फिक्सो फुटसल फाइभ धरानका विजय श्रेष्ठ र इमर्जिङ खेलाडी स्पोर्ट्स क्यासलका सुमित श्रेष्ठ घोषित भए ।

उत्कृष्ट प्रशिक्षक स्पोर्ट्स क्यासलका बिष्णु गुरुङ चुनिए ।

पाँच विधाका उत्कृष्टले समान २५/२५ हजार प्राप्त गरे । 

प्रतियोगिताको उपाधि स्पोर्ट्स क्यासल पोखराले जित्यो । 

 स्पोर्ट्स क्यासलले फाइनलमा संखमुल फुटसललाई ४-२ ले हराएको थियो ।