फुटसल लिग फाइनल : पहिलो हाफमा स्पोर्ट्स क्यासललाई अग्रता

पोखरा । राष्ट्रिय 'ए' डिभिजन फुटसल लिगको फाइनलमा स्पोर्ट्स क्यासल पोखरा र संखमुल फुटसलबीच प्रतिस्पर्धा भईरहेको छ ।

पोखराको बहूदेशीय कभर्डहलमा जारी खेलको पहिलो हाफ सकिदा स्पोर्ट्स क्यासलले संखमुलविरुद्ध २-१ गोलको अग्रता बनाएको छ ।

स्पोर्ट्स क्यासलका विजय गुरुङले गोल गर्दै स्पोर्ट्स क्यासललाई अग्रता दिलाएका थिए ।

लक्ष्मण थापा मगरले गोल गर्दै संखमुललाई १-१ गोलको बराबरीमा ल्याएका थिए ।

तर, पहिलो हाफको खेल सकिन केहि मिनेट बाँकी रहदा किशोर गुरुङले गोल गर्दै स्पोर्ट्स क्यासललाई २-१ को अग्रता दिलाएका छन् ।

आज दुबै टिम उपाधि जित्ने लक्ष्यसहित कोर्ट उत्रिएका छन् ।  

स्पोर्ट्स क्यासल पहिलो क्वालिफायरमा द राइजिङ क्लब धरानलाई हराएर फाइनल पुगेको हो ।

संखमुल पनि दोस्रो क्वालिफायरमा राइजिङलाई नै हराएर फाइनल पुगेको हो।

फुटसल लिगको विजेताले १० लाख प्राप्त गर्ने छन् । यस्तै उपविजेताले ५ लाख पाउने एन्फाले जनाएको छ ।

यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ।