पोखरा । राष्ट्रिय 'ए' डिभिजन फुटसल लिगको फाइनल खेल आज शुक्रबार हुँदैछ ।
पोखराको बहूदेशीय कभर्डहलमा हुने फाइनलमा स्पोर्ट्स क्यासल पोखरा र संखमुल फुटसलबीच प्रतिस्पर्धा हुनेछ ।
स्पोर्ट्स क्यासल र संखमुलबीचको फाइनल खेल दिउँसो १२:३० बजे सुरु हुनेछ ।
दुबै टिम आज उपाधि जित्ने लक्ष्यसहित मैदान उत्रने छन् । त्यसैले फाइनल खेल रोमान्चक हुने अनुमान गरिएको छ ।
स्पोर्ट्स क्यासल पहिलो क्वालिफायरमा द राइजिङ क्लब धरानलाई हराएर फाइनल पुगेको हो । संखमुल पनि दोस्रो क्वालिफायरमा राइजिङलाई नै हराएर फाइनल पुगेको हो।
फुटसल लिगको विजेताले १० लाख प्राप्त गर्ने छन् । यस्तै उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ।
