फुटसल लिग : संखमुल फाइनलमा

पोखरा । संखमुल फुटसल राष्ट्रिय 'ए' डिभिजन फुटसल लिगको फाइनलमा प्रवेश गरेको छ ।

पोखराको बहूदेशीय कभर्डहलमा बिहीबार भएको दोस्रो क्वालिफायरमा द राइजिङ क्लबलाई ४-३ गोल अन्तरले पराजित गर्दै संखमुल फाइनल पुगेको हो ।

रोमान्चक बनेको खेलको अतिरिक्त समयमा गोल गर्दै संखमुल फाइनल पुगेको हो ।

संखमुलको जितमा चारै गोल मणि लामाले गरे ।

राइजिङका विशन श्रेष्ठले दुई गोल गर्दा हेमन्त थापा मगरले एक गोल गरे ।

खेलमा संखमुलका मणि लामा म्यान अफ दि म्याच चुनिए ।

अब संखमुलले फाइनलमा स्पोर्ट्स क्यासल पोखरासँग प्रतिस्पर्धा गर्नेछ ।

पहिलो क्वालिफायरमा इजिङलाई नै हराएर स्पोर्ट्स क्यासल फाइनल पुगेको हो ।

शंखमुल र स्पोर्ट्स क्यासलबीचको फाइनल शुक्रबार १२:३० बजे सुरु हुनेछ ।

फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ।

यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ।