पोखरा । संखमुल फुटसल राष्ट्रिय 'ए' डिभिजन फुटसल लिगको क्वालिफायरमा प्रवेश गरेको छ ।
पोखराको बहूदेशीय कभर्डहलमा बुधबार भएको एलिमिनेटरमा सबिन मेमोरियल एफसीलाई ३-२ गोल अन्तरले पराजित गर्दै संखमुल क्वालिफायरमा पुगेको हो ।
संखमुलको जितमा क्रिजल खड्काले दुई गोल गरे । जेनिस प्रजापतिले एक गोल गरे ।
सबिनका लागि सरोज गुरुङ र मनोज गुरुङले एक एक गोल फर्काए ।
खेलमा संखमुलका अनिस श्रेष्ठ प्लेयर अफ द म्याच चुनिए ।
अब संखमुलले दोस्रो क्वालिफायरमा द राइजिङ क्लब धरानसँग प्रतिस्पर्धा गर्नेछ ।
राइजिङ पहिलो क्वालिफायरमा स्पोर्ट्स क्यासल पोखरासँग पराजित भएको थियो ।
दोस्रो क्वालिफायरको विजेताले फाइनलमा स्पोर्ट्स क्यासलसँग प्रतिस्पर्धा गर्नेछ ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ।
