पोखरा । सबिन मेमोरियल एफसी राष्ट्रिय 'ए' डिभिजन फुटसल लिगको प्ले अफमा प्रवेश गरेको छ ।
पोखराको बहूदेशीय कभर्डहलमा मंगलबार संखमुल एफसीलाई ३-१ गोल अन्तरले पराजित गर्दै सबिनले प्ले अफमा स्थान बनाएको हो ।
सबिनको जितमा समिर प्रधान, मनिष क्षेत्री र सुनिल बिकेले एक एक गोल गरे ।
संखमुलका सुसन श्रेष्ठले एक गोल फर्काए ।
खेलमा सबिनका मनिष क्षेत्री प्लेयर अफ दि म्याच चुनिए ।
यस जितसँगै सबिन ९ खेलमा १६ अंक जोड्यो । र, चौंथो स्थानमा रहदै प्ले अफमा पुगेको छ ।
संखमुल यस अघि नै प्ले अफ पुगिसकेको छ ।
अब पहिलो प्ले अफमा स्पोर्ट्स क्यासल पोखरा र द राइजिङ क्लब धरानबीच प्रतिस्पर्धा हुनेछ । विजेता फाइनलमा पुग्नेछ ।
सबिनले दोस्रो प्ले अफमा संखमुलसँग खेल्नेछ । यस खेलको विजेता;ए पहिलो प्ले अफमा पराजित हुनेसँग फाइनल प्रवेशका लागि खेल्नेछ ।
