पोखरा । राष्ट्रिय 'ए' डिभिजन फुटसल लिगमा धरानको फुटसल फाइभ पराजित भएको छ ।
पोखराको बहूदेशीय कभर्डहलमा मंगलबार फुटसल फाइभ प्रभातफेरी युथ क्लबसँग ६-२ गोल अन्तरले पराजित भएको हो ।
प्रभातफेरीको जितमा डोना थापा र धिरज जोशीले दुई दुई गोल गरे । सन्तलाल गुरुङ र विवेक सारु मगरले एक एक गोल थपे ।
फुटसल फाइभका सन्दीप कार्की र नयल श्रेष्ठले एक एक गोल फर्काए ।
खेलमा प्रभातफेरीका आशिस दंगाल प्लेयर अफ दि म्याच चुनिए ।
प्ले अफमा पुग्न जित्नै पर्ने खेलमा फुटसल फाइभले हार व्यहोरेको हो ।
यस हारसँगै फुटसल फाइभको प्ले अफ यात्रा अर्को खेलमा निर्भर हुनु पर्ने भएको छ ।
अब सबिन मेमोरियल र संखमुल फुटसलबीचको खेलको नतिजाले फुटसल फाइभको प्ले अफ यात्रा तय हुनेछ ।
सबिन र संखमुलबीचको खेल अपरान्ह ४:३० बजे सुरु हुनेछ । जुन खेल लिग चरणको अन्तिम खेल हो ।
सबिनविरुद्ध जित निकालेमा संखमुलले दोस्रो स्थानमा रहदै क्वालिफायर खेल्नेछ ।
संखमुलविरुद्ध जित निकालेमा सबिन प्ले अफमा पुग्नेछ । बराबरीमा रोकिएमा फुटसल फाइभ प्ले अफ पुग्नेछ ।
फुटसल फाइभ १४ अंक जोडेर चौंथो स्थानमा रहेको छ । सबिन १३ अंक जोडेर पाँचौं स्थानमा रहेको छ ।
प्रभातफेरी १० अंक जोडेर आठौं स्थानमा रहेको छ ।
