पोखरा । राष्ट्रिय 'ए' डिभिजन फुटसल लिगमा मछिन्द्र स्काई गोल्सले लुम्बिनी फुटसललाई पराजित गरेको छ ।
पोखराको बहूदेशीय कभर्डहलमा सोमबार भएको खेलमा स्काई गोल्सले लुम्बिनीलाई ५-४ गोल अन्तरले पराजित गरेको हो ।
स्काई गोल्सको जितमा मनोज राई, सबिन केसी, सुभेत लामा र दीप सेन ठकुरीले एक एक गोल गरे । लुम्बिनीका समिर मगरले एक आत्मघाती गोल गरे ।
यस्तै लुम्बिनीका लागि सुजन थापाले दुई गोल गर्दा देभासिस शर्मा र रुपेन बराइलीले एक एक गोल गरे ।
खेलमा स्काई गोल्सका सुभेत लामा म्यान अफ दि म्याच चुनिए ।
यस जितसँगै स्काई गोल्सले प्रतियोगिताको सुखद अन्त्य गरेको छ ।
स्काई गोल्स १३ अंक जोडेर छैटौं स्थानमा रहेको छ ।
लुम्बिनी फुटसल भने रेलिगेसनमा परेको छ ।
लुम्बिनी ४ अंक जोडेर रेलिगेसनमा पर्ने दोस्रो टिम बनेको छ ।
