स्पोर्ट्स क्यासलको पहिलो हार

पोखरा । राष्ट्रिय 'ए' डिभिजन फुटसल लिगमा द राइजिङ क्लब धरानले स्पोर्ट्स क्यासल पोखरालाई पराजित गरेको छ ।

पोखराको बहूदेशीय कभर्डहलमा सोमबार भएको खेलमा द राइजिङले स्पोर्ट्स क्यासललाई ६-४ गोल अन्तरले पराजित गरेको हो ।

द राइजिङको जितमा मिलन राईले दुई गोल गरे । सुदिप गुरुङ, रेवोस मास्के, भिषण श्रेष्ठ र बिकु तामाङले एक एक गोल गरे ।

स्पोर्ट्स क्यासलका सुमित श्रेष्ठ, सुरेन बुढा मगर, किशोर गुरुङ र दिपेश घलेले एक एक गोल गरे ।

खेलमा द राइजिङका दोर्जे तामाङ म्यान अफ दि म्याच चुनिए ।

यस जितसँगै द राइजिङ धरान प्रतियोगिताको प्ले अफमा प्रवेश गरेको छ ।

स्पोर्ट्स क्यासलले भने पहिलो हार व्यहोरेको छ ।

स्पोर्ट्स क्यासल यस अघि नै प्ले अफ पुगिसकेको छ ।

स्पोर्ट्स क्यासल ९ खेलमा २२ अंक जोडेर शीर्ष स्थानमा रहेको छ ।

द राइजिङ १९ अंक जोडेर दोस्रो स्थानमा रहेको छ ।