पोखरा । राष्ट्रिय 'ए' डिभिजन फुटसल लिगमा आज सोमबार दुई खेलहरु हुँदैछन् ।
पोखराको बहूदेशीय कभर्डहलमा हुने पहिलो खेलमा स्पोर्ट्स क्यासल पोखरा र द राइजिङ क्लब धरानबीच प्रतिस्पर्धा हुनेछ ।
स्पोर्ट्स क्यासल र राइजिङबीचको खेल दिउँसो १२:३० बजे सुरु हुनेछ ।
स्पोर्ट्स क्यासल यस अघि नै प्ले अफमा पुगिसकेको छ । शीर्ष स्थानको स्पोर्ट्स क्यासलले ८ खेलमा २२ अंक जोडेको छ ।
राइजिङ १६ अंक जोडेर तेस्रो स्थानमा रहेको छ । राइजिङका लागि यस खेल महत्वपूर्ण रहेको छ ।
यस खेलमा जित निकालेमा राइजिङ प्ले अफमा पुग्नेछ । पराजित भएको खण्डमा अन्य खेलको नतिजामा भर पर्नु पर्नेछ ।
यस्तै दोस्रो खेलमा लुम्बिनी फुटसल र मछिन्द्र स्काई गोलबीच प्रतिस्पर्धा हुनेछ । उक्त खेल दिसो २:३० बजे सुरु हुनेछ ।
लुम्बिनी आज फराकिलो जित निकाल्दै रेलिगेसनबाट जोगिन चाहन्छ । स्काई गोल भने लुम्बिनीलाई हराएर लिगको सुखद अन्त्य गर्न चाहन्छ ।
लुम्बिनी ४ अंक जोडेर पुछारबाट दोस्रो स्थानमा रहेको छ । १० अंक जोडेको स्काई गोल छैटौं स्थानमा रहेको छ ।
