फुटसल लिग :  सबिन मेमोरियलको जित

पोखरा । राष्ट्रिय 'ए' डिभिजन फुटसल लिगमा सबिन मेमोरियल एफसीले जित निकालेको छ ।

पोखराको बहूदेशीय कभर्डहलमा आइतबार सबिन मेमोरियलले प्रभातफेरी युथ क्लबलाई ८-४ गोल अन्तरले पराजित गरेको हो ।

सबिन मेमोरियलको जितमा अविनाश तामाङले दोहोरो ह्याट्रिक पूरा गरे ।

यस्तै मनोज गुरुङले दुई गोल गरे ।

प्रभातफेरीका डोना थापाले दुई तथा अखिलेस कार्की र नविन लामाले एक एक गोल गरे ।

खेलको म्यान अफ दि म्याच सबिनको अविनाश तामाङ चुनिए ।  

जितसँगै सबिन ८ खेलमा १३ अंक जोडेर पाँचौं स्थानमा उक्लिएको छ ।

प्रभातफेरी ७ अंक जोडेर आठौं स्थानमा रहेको छ ।

लिगमा १० टिमले प्रतिस्पर्धा गरिरहेका छन् ।

फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।

यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।